अस्ट्रेलियामा नयाँ घर बनाउने खर्च दिनप्रतिदिन बढ्दै गएको छ, जसले निर्माण व्यवसायहरूलाई ठूलो असर पारिरहेको छ। यही समस्या समाधान गर्न वन नेशन पार्टीले ५ वर्षका लागि घर बनाउने सामग्रीमा GST हटाउन प्रस्ताव राखेका छन्।
पार्टी नेतृ सेनेटर पौलिन ह्यान्सन ले संसदमा बोल्दै भनिन् कि सरकारले एकातिर घर निर्माणका लागि करोडौं डलर लगानी गरिरहेको छ भने अर्कोतर्फ कर, नयाँ नियम र महँगा निर्माण सामग्रीले यो काम झन् जटिल बनाइरहेको छ।
निर्माण सामग्रीको मूल्य ह्वात्तै बढ्यो
सेनेटर ह्यान्सनका अनुसार कोरोना महामारीपछि निर्माण सामग्रीको मूल्य अत्यधिक बढेको छ।
- काठको मूल्य २००% भन्दा बढीले बढेको छ।
- बिजुलीका तार र अन्य सामग्री झन्डै २००% ले महँगो भएका छन्।
- पाइप र अन्य प्लम्बिङ सामग्री १००% ले महँगो भएका छन्।
- यी अत्यधिक मूल्यवृद्धिका कारण धेरै निर्माण व्यवसाय धराशायी भएका छन्।
यी अत्यधिक मूल्यवृद्धिका कारण धेरै निर्माण व्यवसाय धराशायी भएका छन्।
वन नेशनको प्रस्ताव
वन नेशनको प्रस्ताव
- नयाँ घर बनाउन आवश्यक सामग्रीमा ५ वर्षका लागि GST नलाग्ने।
- घरको लागतमा कर, शुल्क, ड्युटीहरू घटाउन पुनरावलोकन गर्ने।
- नयाँ घरहरू अपांगमैत्री बनाउनुपर्ने अनिवार्य नियम हटाउने।
वन नेशनका अनुसार नयाँ नियमअनुसार सबै घर अपांगमैत्री बनाउनुपर्छ, जसले घरको लागत अझै बढाउने काम गरेको छ। उदाहरणका लागि, साधारण बाथरुम भन्दा अपांगमैत्री बाथरुम बनाउन मात्र झन्डै २०,००० डलर बढी खर्च लाग्छ।
सेनेटर ह्यान्सन भन्छिन्, "सबैलाई अपांगमैत्री घर आवश्यक हुँदैन, तर सरकारले सबैलाई जबरजस्ती यो नियम लागू गरेको छ। मानिसहरूले आफ्नै आवश्यकताअनुसार घर बनाउन पाउनुपर्छ।"
वन नेशनको दाबी
वन नेशनको अनुसार यस नीतिले घर बनाउने लागत घटाउनेछ, निर्माण व्यवसायलाई बचाउनेछ र अस्ट्रेलियाको घर अभाव कम गर्न सहयोग गर्नेछ। साथै, सरकारले अनावश्यक कर हटाएर नागरिकहरूको आर्थिक बोझ कम गर्नुपर्ने वन नेशनको माग छ।
Post a Comment